CIRCUITO GALEGO POR MONTAÑA TERRA

COPA GALEGA DE CARREIRAS POR MONTAÑA

CAMPIONATO GALEGO DE CARREIRAS POR MONTAÑA

Basicamente todo o proxecto xira entorno a unha idea, quizais a máis importante, que é o auxe das carreiras por Montaña nestes últimos anos… Xustificacións moitas, como o aumento do interese pola vida sa, e que é un deporte que se realiza ao aire libre e polo tanto económico… vémolo diariamente a través das redes sociais, as App para móbiles que saíron relacionados con este deporte e a venda de accesorios, roupa e calzado específico.
En case todas as grandes cadeas podemos encontrar xa na sección de deportes todo o necesario para practicar este deporte. Estamos involucrados na difusión dunha cultura do deporte de montaña en xeral e das carreiras por montaña en particular, en beneficio do colectivo e das organizacións de carreiras por montaña.

As Carreiras por montaña pertecen a unha disciplina incluída dentro do
conxunto de actividades que recollen os estatutos da Federación Galega
de Montañismo, é unha especialidade deportiva que se manifesta a través
de carreiras por baixa, media e alta montaña, xa sexa estival ou invernal,
realizándose o itinerario a pé, e no menor tempo posible. As competicións
de Carreiras por Montaña (Copa e Campionato) teñen como obxectivo:
Reunir en competición os mellores equipos e corredores dos Clubs de Montaña.
Axudar a evolución de esta especialidade deportiva na nosa comunidade.
Servir de referencia para a selección dos deportistas que deban representar
a FGM nas competicións nacionais e internacionais oficiais.

 

CALENDARIO CXM TRAIL FGM 2020 E CIRCUITO GALEGO TERRA

A FGM presenta o calendario de competición de Carreiras por Montaña – Trail para o ano 2020, con 2 Campionatos Galegos, 6 carreiras de Copa Galega e 2 carreiras en fase de homologación, compoñendo todas elas o Circuito de CxM TERRA.
Campionato Galego Individual:
07/06/2020 VIII Vilatuxe Trail 33Km +2220m
Campionato Galego de Clubs:
05/09/2020 V Padrón Trail Desafio Vértice 22Km +1.500m
Copa Galega CxM:
02/02/2020 Maratón de Montaña A Camelia 44Km +1.850m
26/04/2020 X CAMOVI 42Km +2.600m
17/05/2020 X CxM San Mamede 21kM +1.600m
21/06/2020 X Chandrexa Trail 42Km +3.000m
04/10/2020 V GPM A Rúa 33,6Km +2020m
25/10/2020 XIV CxM Canón do Sil 33Km +2220m
Homologación:
10/05/2020 Castro Trail 24Km +1.400m
20/09/2020 Desafío Glaciar 43,7Km 1541m

CALENDARIO CXM TRAIL FGM 2020 CATEGORÍAS CADETE E JUNIOR – OPEN

As categorías Cadete e Junior tamen teñen as suas competicións de Carreiras por Montaña – Trail para o ano 2020, con 1 Campionato Galego para cada unha das categorias, 2 carreiras de Copa Galega para a categoría Cadete e 5 para a categoía Junior.
Campionato Galego OPEN Individual Junior:
07/06/2020 VIII Vilatuxe Trail 17Km +850
Campionato Galego OPEN Individual Cadete:
21/06/2020 X Chandrexa Trail 7,3m +500m
Copa Galega CxM OPEN Junior:
26/04/2020 X CAMOVI 21Km +1.043m
21/06/2020 X Chandrexa Trail 18Km +900m
05/09/2020 V Padrón Trail Desafio Vértice 13Km +700m
04/10/2020 V GPM A Rua 15,6Km +1.100m
25/10/2020 XIV CxM Canón do Sil 17Km +950m
Copa Galega CxM OPEN Cadete:
26/04/2020 X Montes de Viveiro (CAMOVI) 10Km +550m
25/10/2020 XIV CxM Canón do Sil 7Km +370m
Regulamentos a ter en conta para todas as carreiras do    
Circuito Galego por Montaña Terra, é o da Federación
Galega de Montañismo.

REGULAMENTO CxM da FGMRegulamento Carreiras FGM-19

Regulamento Circuito Galego por Montaña TERRA: Regulamento Circuito Galego por Montaña TERRA-2019

 

CONVOCATORIA PROBAS DE ACCESO AO PROGRAMA DE TECNIFICACIÓN DE CARREIRAS POR MONTAÑA 2020

A FGM, por medio da Área de Carreiras por Montaña, inicia a súa andaina para a Tecnificación de Carreiras por Montaña coa intención de formar mozos corredores que poidan chegar a formar parte das seleccións galegas que nos representan nas competicións nacionais.

O programa de tecnificación terá como principais obxectivos:

– Atender a especialización técnica dos deportistas galegos interesados e que destaquen dentro da Comunidade autónoma desde os seus inicios, a temperá idade, e durante as diversas etapas do seu perfeccionamento deportivo ata a súa consolidación como deportistas de alto nivel.

– Axudar a compatibilizar a práctica deportiva coa formación académica do corredor, co claro obxectivo de conseguir a formación integral dos mozos deportistas.

– Conseguir un proxecto técnico único, que poida ser aplicado inicialmente nas fases de tecnificación autonómica, e posteriormente na alta competición nacional, no que colaboren a FGM e a FEDME.

– A detección de promesas deportivas.

Co obxectivo de seleccionar aos integrantes deste novo equipo de tecnificación, desde a FGM convócanse unhas probas de acceso coas que se definirán aos deportistas compoñentes do programa de tecnificación.

Requisitos de acceso ás probas:

– Nacer entre os anos 2000 e 2005

– Posuír a licenza deportiva en vigor (FGM/FEDME)

– Para os menores de 18 anos, unha autorización orixinal materna, paterna ou dun titor legal, autorizando a participación do menor nestas probas de selección e especificando que coñecen e aceptan as bases desta convocatoria.

– Enviar mediante email a cigaxmterra@gmail.com antes do día 31 de Decembro o formulario adxunto (Facer click aquí) no que se especifican os datos do deportista

Os deportistas preselecionados polo seu perfil, serán notificados para a sua asistencia as probas de rendemento específico en carreira.

Desenvolvemento das probas:

Rendemento específico en carreira:

Data e Lugar por definir.

08:30h Recepción de participantes e explicación desenvolvo das probas.
09:00h Carreira por montaña de aproximadamente 10-12 km no que se medirá o tempo dos participantes.
11:00h Probas de ascenso e descenso onde se valorará a técnica dos participantes.
12:00h Probas de axilidade e coordinación.
15:00h Descanso, tempo para comer.
15:00h Entrevista persoal.
17:00h Fin da xornada e despedida.

Material necesario:
– Zapatillas e roupa deportiva.
– Auga e froita e/ou comida tipo snack para media mañá e comida do medio dia.

Os/ as deportistas que superen as probas deberán comprometerse co calendario de concentracións e eventos establecidos polo Programa de Tecnificación para a próxima tempada, aínda por definir.

A participación nestas probas de selección NON terá custo para os deportistas aspirantes.

Máis información:

A través do correo electrónico : cigaxmterra@gmail.com

Director técnico da FGM: José Manuel Pérez Prego
Vocal da Área de CxM: Antón Vázquez Pérez
Director de Tecnificación: Estível Martínez Medina